حديث جديد مع صديقتي إصلاح قالت:
- الناس كلها بتتكلم عن البلد اليومين دول وكله بيقول إنها بتمر بمرحله صعبه أوي.
وأردفت وعلى شفتيها ابتسامه يائسة :
- مزنوقة في عنق الزجاجة، ربنا يستر وتخرج منها بسلام.
رددت وعلى شفتي أنا الأخرى نفس الابتسامة :
- أنا معك حقا بأن مصر في عنق الزجاجة، ولكني لست معك في أننا سوف نخرج من العنق.
ردت بتساؤل :
- ماهو مش معقول إن البلد ها تفضل مزنوقة كده في العنق لابد نتحرك ونخرج منها
أجبتها وكلي أسى:
- عندك حق لن نبقي داخل العنق إلى الأبد، ولكني أيضا لست متفائلة من إنها سوف تخرج من العنق إلى خارج الزجاجة ولكن على الأرجح أنها سوف تتخطى العنق إلى داخلها وليس إلى الخارج .
شهقت إصلاح في ضيق:
- لا دا إحنا كده نتخلق.
وأردفت:
- خلاص بقى لو حظنا كده ودخلنا الزجاجة، يبقى أفضل لنا إننا نكسرها.
ابتسمت لها ابتسامه خرجت ساخرة يائسة وقلت:
- ماحنا لو كسرنا الزجاجة من المؤكد إننا جميعا ها ننجرح..
No comments:
Post a Comment